今晚西甲獨腳戲，畢爾包主場迎戰CF格蘭納達。畢爾包乃今季和波專家，與球隊守強攻弱有關；格蘭納達客場亦分外保守，今仗唔慌多波入，2.5球嘅入球細值捧。

畢爾包今季開咧后13仗聯賽，竟然有7場打和，係今季暫時和波最多嘅西甲球隊之一，踢法上佢哋仍然保持一貫硬朗球風，只係失咗8粒，係暫時失波最少嘅西甲球隊，防守固若金湯。但相對而言，佢哋嘅進攻能力就黯然失色，至今僅攻入11球，陣中首席射手伊拿基威廉斯入得3粒咁大把，老將魯爾加西亞亦腳頭無靈，單計近4仗聯賽，呢支「巴斯克雄獅」錄得3和1負未贏過，總入球全開2球或以下，明顯守強攻弱，今場有主場之利亦未必夠贏。

作客例打守勢波

另一邊廂，于下游掙扎嘅格蘭納達，近5仗聯賽取得1勝2和2負，表現未至太差，不過上仗對皇馬慘敗1比4之余，仲有主力防中蒙祖領紅牌被逐，今仗要坐波監，加上要客場出擊，一定會先做好防守。查實格蘭納達作客例必打守勢波，開咧后7仗客場聯賽，只係入過5粒，單計近5仗客場聯賽，亦有4次總入球開2球或以下，為搶分護級更加唔敢輕舉妄動，細盤穩開。